قسم التراث العام تراث عربي . خليجي . اجنبي

إضافة رد
 
أدوات الموضوع انواع عرض الموضوع
  #1  
قديم 05-02-2018
الصورة الرمزية هزاع
هزاع غير متواجد حالياً
 
تاريخ التسجيل: Oct 2017
المشاركات: 259
معدل تقييم المستوى: 1
هزاع will become famous soon enough
0 أغاني اليهال الجديمة

أغاني اليهال الجديمة

السلام عليكم ورحمة الله وبركاته

طبعا حبيت انزل هذا الموضوع لختلاف الوضع بين ماضي والحاضر

الحاضر : كراميش و طيور الجنة ..

الماضي :



حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله

خوصه بوصه يا النبوصه كلاج الدود من حندود
مرينا على عجارب ياكلون سحتين محتين
قال ياعبد الرحمن تبغي قرصه ولا مطيه


عمتي مرت ابويه ... الله يسلط عليها
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان



طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر ع الخيمة ... كسر حوي افطيمه
طاح المطر من فوق .. كسر حوي بن طوق


ولد عمي ما بغاني ... تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض

يا عليا قومي ركبي ... بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي .. والنخي نثروه



يا فاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يانثرية ... تنثر على الحياة

يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها.


يا بنية ما دريتي ... عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه يا المخبوقه .. ما ضمتها الفلوس



يا بنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق عاشه البدويه .. بنت محمد علي

من اليوع لو متّي .. ما يوزج شتّي
بيوزج تاير .. لو بالحجي جاير
يا بنيتي يالزينه ... صبي لبوج دهينه
جان ما رضى ولد عمج.. صبي واجلعي عينه

يرقد وليدي رقده هنيه
رقدة الغزلان في البريه
يرقد وليدي طيب الله نومه
وعدو وليدى ما هنا بمنام


عيال عمي سبعة .. خلوني باتنقى
نقيت بو طاقية .... بو يوخه ما رضى
زامط عليه بخشمه .. يا خشم اليوحره
خشمي طويل وغاوي ..شفته في المنظره .
حيا الله اللي يباني .... يسلم العشره


يامي يامي ياماية ...راعي البحر ما ابااه
يشل مزمات العومة...وتصل على علباه
ابا وليد عمي من خنيره ورداه...ما هد خطام الصفرا ولا ضيع عصاه


يا يراده طيري طيري والحجي عصفور..
ياويل من له عدة والذيب غيل في الغنم
بي من باطن حشاية..



__________________






التعديل الأخير تم بواسطة الحلوووه ; 06-02-2018 الساعة 02:37 AM
رد مع اقتباس
  #2  
قديم 06-02-2018
الصورة الرمزية الحلوووه
الحلوووه متواجد حالياً
 
تاريخ التسجيل: Feb 2017
المشاركات: 2,485
مزاجي:
معدل تقييم المستوى: 9
الحلوووه is a name known to allالحلوووه is a name known to allالحلوووه is a name known to allالحلوووه is a name known to allالحلوووه is a name known to allالحلوووه is a name known to all
افتراضي رد: أغاني اليهال الجديمة

طرح رائع راق لي كثيرا
لاحترمنا الله من إبداعك
سلمت وسلمت مواضيعك الراقية
كنت هنا وراق لي إبداعك
__________________
رد مع اقتباس
  #3  
قديم 15-02-2018
الصورة الرمزية حكاية قلم
حكاية قلم غير متواجد حالياً
 
تاريخ التسجيل: Dec 2016
المشاركات: 1,270
مزاجي:
معدل تقييم المستوى: 10
حكاية قلم has a spectacular aura aboutحكاية قلم has a spectacular aura aboutحكاية قلم has a spectacular aura about
افتراضي رد: أغاني اليهال الجديمة

كلماتها جميله ورائعه
يعطيك العافيه ع الطرح
تحيتي وتقديري
__________________
رد مع اقتباس
إضافة رد

الكلمات الدليلية
أغاني, الجديمة, اليهال


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
معاني الاسمااء البدويهــــ هزاع
من كل بحر قطرهـ
5 25-11-2017 01:34 PM


الساعة الآن 08:49 AM.



جميع الحقوق محفوظة موقع عنوان الوفاء