المساعد الشخصي الرقمي

مشاهدة النسخة كاملة : تزعل علي إن جاءت دمعه بخدي؟؟


منصور
10-15-2017, 12:56 PM
https://orig00.deviantart.net/48c6/f/2011/124/0/a/spring_____by_mechtaniya-d3fjnat.jpg
طفله يتيمه علمتني التحدّي

يتيمه اروتني كرامه وشيمه

دايم تسولف عن بطولات جدّي

وعن فقدها والذكريات القديمه

وتزعل علي إن جات دمعه بخدّي

اقوى يتيمه شفت وأعظم يتيمه

منها عرفت شلون الأزمه تعدّي

مع الثقة بالله وقو العزيمه

وكيف اتعداهم بدون التعدّي

بإصرار تدفعه النوايا السليمه

وإن الشيم ما غيرها اللي تقدّي

حتى لو إن في تاليتها هزيمه

والانتصار اللي يجي بالتردّي

مثل المطر لا سال بأرضٍ عقيمه

يا مدرسة عمري وحبي وودّي

يا أبلغ من الغيمة بوسط الكريمه

يمه على داعيك يزداد قدّي

بك افتخر يا ملهمه يا عظيمه

كبرت يايمه وشالتك يدّي

وانا سِمِي جدّي مسمَّى وقيمه

يعني يا بنت اسعيد يا بنت جدّي

لا الحين طفله بس ما انتي يتيمه
============
وسلامتكم يارب من كل شر
ربي يحفظكم
ألأحد1439/1/25هـــ..

الحلوووه
10-15-2017, 07:56 PM
إختيار موفق ..وطرح مميز ..

لا يليق إلا بمن أتينا لنرى مايقدمه لنا ذوقها الراقي

عافاك الله واجزل لك الأجر .

http://www.karom.net/up/uploads/13324008991.gif

حكاية قلم
10-16-2017, 12:48 AM
رائعه من روائع الشاعر سعيد بن مانع
وزادات روعة كلماتها لانها في والدته
حفظ الله لنا ولكم والدينا
انتقاء موفق
تحيتي

العنود
10-16-2017, 04:26 AM
http://3.bp.blogspot.com/-XiOjojJwnlc/UpzFRlry4dI/AAAAAAAAsB8/lITF1nfwfWM/s1600/BarraFloresCTV%2C18a.gif
صح الله السان شاعرهاا
وسلمت وسلم ذووقك وتذوقك وجلبك لها
كلماات عانقت الرووعة و لامست الجماال
عندما يتم اختزال اكبر كم من المشااعر
وطيه بين الحرووف فهذا هو الابداع بعينه
اشكرك وسلمت الايااادي على زخاات
العطر التى نثرتهاا عليناا
بانتظاااار جديدك وبشوووق كون بخير

http://3.bp.blogspot.com/-XiOjojJwnlc/UpzFRlry4dI/AAAAAAAAsB8/lITF1nfwfWM/s1600/BarraFloresCTV%2C18a.gif

سحر العيون
10-16-2017, 07:59 PM
تعور القلب والله
اختيار موفق منصور
دمت بهذا التميز