المساعد الشخصي الرقمي

مشاهدة النسخة كاملة : يا مسندي قلبي على الدوم يطريك


الحلوووه
03-16-2017, 05:49 AM
width=700 height=400


يا مسندي قلبي على الدوم يطريك
ماغبت عن عيني وطيفك سمايا

هذي ثلاث سنين و العين تبكيك
ماشفت زولك زايراً يا ضنايا

تذكر حياتي يوم أشيلك و أداريك
و الاعبك دايم وتمشي ورايا

ترقد على صوتي وحضني يدفيك
ماغيرك أحداً ساكنن في حشايا

وليا مرضت أسهر بقربك و اداريك
ماذوق طعم النوم صبح ومسايا

ياما عطيتك من حناني وابعطيك
تكبر وتكبر بالامل يا منايا

لكن خساره بعتني ليش وشفيك
واخلصت لزوجه وانا لي شقايا

انا ادري انها قاسيه ماتخليك
قالت عجوزك ما أبيها معايا

خليتي وسط المصحه وانا ارجيك
هذا جزاء المعروف وهذا جزايا

ياليتني خدامه بين اياديك
من شان اشوفك كل يوم برضايا

مشكور ياوليدي وتشكر مساعيك
وادعي لكم دايم بدرب الهدايا

احمد يا احمد امك توصيك
اخاف ماتلحق تشوف وصايا

اوصيت دكتور المصحه بيعطيك
رسالتي وحروفها من بكايا

و ان مت لا تبخل على بدعاويك
أطلب لي الغفران وهذا رجايا

وامطر تراب القبر بدموع عينك
ماعاد ينفعك الندم والنعايا

سحر العيون
10-12-2017, 12:19 AM
صح لسانك

وارتاح بالك

الحلوووه
10-12-2017, 08:28 AM
لك الشكر والتقدير على هذا المرور الكريم
يسعدني ويشرفني مرورك العطرhttp://3n-wan.com/vb/images/smilies/000003254.gif
دمت بحفظ الله ورعايته