المساعد الشخصي الرقمي

مشاهدة النسخة كاملة : ابيه يبكي لين تعمى عيونه


الحلوووه
02-17-2017, 01:36 AM
width=700 height=300

أبيه يبكي لين تعمى عيونه
أبيه يشكي لين ماعاد ينطاق

حتى يخالط صحته في جنونه
حتى يعيش بوحدته كل ماضاق

يوصل إلى أقهر مساوي ظنونه
يوصل إلى أسواء معاناة الإرهاق

يمشي يحس إن البشر مايبونه
يمشي وتكره ساقها راعي الساق

يضيق صدره مالقى من يصونه
يضيق يظلم عالمه كل ماراق

خله يعاني خل تكثر شجونه
خله يقول إن الألم داخله فاق

يموت حسره عايشاً في مهونه
يموت ورده غارقاً أو بالإحراق

يلقى حياته مربطه في كفونه
يلقى ان وضعه صار للموت مشتاق

يحتار منهو أو وش الي يكونه
يحتار حياً أو كتابة واورق

يصير فارغ يعتقد مايرونه
يصير حالة نفس من كثر ماذاق

أدري بأنك ياحياتي حنونه
أدري بأنك تعشقيني من أعماق

لكن انا الي ماأبي تعشقونه
لكن ترا بعد العشق دايم فراق

أســير قلبهــا
02-17-2017, 06:38 PM
ياستر ومن الحب ما قتل !!
قمة الروعة جسدها قلمك بهذه الابيات الرائعة
كلمات قوية تهز المشاعر
دمتي بأذن الله متألقه ننتظر جديدكم ..الجمعة 21 جمادى الأولى 1438هـ

الحلوووه
02-18-2017, 02:03 AM
شاكره تواجدك الرااااااااقي
الله يعطييك العافيه

سحر العيون
10-12-2017, 10:17 PM
كلام قاسي

بس اكيد هو يستاهل دام هذا شعورك

صح لسانك

العنود
10-13-2017, 03:50 AM
ليه كل هذه القسوة
بس ابدعتي وتالقتي بالطرحهاا فعلا
وباجمل المعااني
مثلماا يشدو العصفوور متغنيااا باعذب الالحان
شدتني ذااائقتك وعزف تذوقك باطيب الهمساات
اشكرك ووماننحرم من اطروحاتك
واعلمي باني سازور دوحاتك القادمه
و التي تنبض بروح الابداع ونكهة التميز
سلمت الاياااادي وبانتظاااار جديدك الرااائع
دمتي وكوني بخير



https://s-media-cache-ak0.pinimg.com/originals/3d/37/82/3d37821c3a857322318b0469c8c174c7.gif

منصور
10-13-2017, 08:26 AM
هههههههههههههههههههههههههههههههههههه
ياساتر
عنيفه الحلوووه كل هذاالدعااء مسكين يمكن
بكره يتعدل ويكون اجمل انسان من راي اعطيه فرصة..
والصراحه قصيده حلووة مثلك ورااائعه وابياات جميلة
احيانا الانسان اذا ماتعرض لقسووة ليس له الاالدعااء
ي عبر به عما بداخله ونسال الله لك السعاده
ويتحول هذاالدعاء الا قصيدة فرح وسرور..
تحياتى لك
http://www.karom.net/up/uploads/13253392799.gif

الحلوووه
10-14-2017, 07:30 AM
هههههههههههههه منصور
الف شكرلكم منصور وسحر العيون والعنود
الله يعطيكم العافيه